Desde a Deputación de Pontevedra e a través do Servizo de Xuventude e Reto Demográfico estamos a elaborar o I Plan estratéxico de xuventude da provincia, e precisamos da túa axuda para deseñar políticas que realmente se axusten ás necesidades e inquedanzas da mocidade.
A promoción da participación xuvenil é un dos nosos principais obxectivos e por iso a túa contribución resulta fundamental: non tería sentido redactar un documento para a xuventude sen contar co seu punto de vista.
Xa que logo, a túa opinión si importa. Se tes entre 15 e 34 anos e vives na provincia de Pontevedra, invitámoste a colaborar a través desta enquisa. Ao realizala, entrarás no sorteo de dous premios:
1.º premio: dúas entradas de balde para un dos Rías Baixas Fest, patrocinados pola Deputación de Pontevedra.
2º premio: unha tableta Lenovo Tab M10.
A enquisa estará dispoñible durante os meses de decembro de 2024 e xaneiro de 2025.
É anónima, polo que non se obterán datos de carácter persoal suxeitos a tratamento e protección. Pedímosche que a cubras con sinceridade, para que poidamos traballar na mellora da túa contorna e así poidas desenvolver a túa vida onde realmente queres, sen verte na obriga de marchar.
Moitas grazas por participar!
https://www.encuestafacil.com/respweb/cuestionarios.aspx?EID=2965167
