Fundación Occident convoca a 2.ª edición das Bolsas de Grao Jesús Serra. Este programa de bolsas de estudos de grao universitario están dirixidas a estudantes de bacharelato ou de ciclos formativos de grao superior (CFGS), que a pesar do seu talento e potencial enfróntanse a barreiras para acceder á educación universitaria e ao mercado aboral unha vez acabados os estudos.
As persoas destinatarias son estudantes que empecen por primeira vez os seus estudos de grao no curso 2025-2026 en universidades públicas ou privadas do territorio español. Os estudos deben ser presenciais e a tempo completo: o estudante deberá matricularse a todos os créditos do primeiro curso do grao universitario da súa elección
Estas Bolsas teñen dúas vías de acceso:
– 6 Bolsas Primeira xeración de estudantes universitarios: Diríxense a alumnos que queren ser os primeiros da súa familia en cursar estudos universitarios. Está aberta a todas as áreas do coñecemento.
– 6 Bolsas Primeira xeración de mulleres en STEM: Diríxense a alumnas que queiran ser as primeiras da súa familia en titularse en graos STEM (ciencia, tecnoloxía, enxeñería ou matemáticas).
Requisitos.
- Finalizar o último curso de Bacharelato ou dun Ciclo Formativo de Grao Superior (CFGS) no curso inmediatamente anterior á concesión desta bolsa.
- Ter unha nota media igual ou superior a 7 en Bacharelato ou CFGS.
- Posuír a nacionalidade española ou o permiso de residencia en España.
- Matricularse no primeiro curso de grao universitario nunha universidade española e non cursar anteriormente outros estudos universitarios.
- Ter un limiar de renda limitado. Consulta as bases para máis información.
- Solicitar a bolsa do Ministerio de Educación, Formación Profesional e Deportes do Goberno español ou a bolsa do Departamento de Ciencia, Universidades e Innovación do Gobierno Vasco.
Beneficios da bolsa.
- Un programa de mentoría personalizada e especializada ao longo de todos os estudos.
- Un programa formativo anual para desenvolver habilidades transversais e tecer a primeira rede de contactos profesionais.
- Unha dotación complementaria ligada ao aproveitamento dos beneficios da Bolsa de Grao Jesús Serra.
- Axudas para materiais educativos e/o formación complementaria.
- Dotación económica en función da renda e a distancia do teu domicilio á universidade.
Prazo de solicitudes: do 1 de abril ao 30 de maio de 2025.
Máis información: Becas Jesús Serra
