La Vienísima convoca o VI Concurso Internacional de Postais Do Nadal “Full Color Xmas”. Unha iniciativa en liña que xorde co anhelo de dar visibilidade ao colectivo LGBTIQ durante estas festividades de inverno e que busca, entre outros obxectivos: potenciar o respecto á diversidade, reivindicar os diferentes modelos de familia existentes, fomentar a cultura desde unha perspectiva máis inclusiva, e servir de plataforma para artistas e persoas amantes da arte.
A presentación haberá de ser individualizada sen que se admitan obras en colaboración ou colectivas. Cada participante poderá presentar ata un máximo de dúas postais. As obras deben ser remitidas en formato JPEG (máximo 5 MB), cunha resolución mínima de 200 ppp e un tamaño de 15×15 cm. Valorarase a creatividade e a innovación da técnica utilizada e a forma en que se transmite a mensaxe. O título da postal tamén será valorado baixo estes criterios.
As persoas participantes deben enviar o traballo a través do formulario de inscrición.
Requisitos
Poderá participar calquera persoa física, calquera que sexa a súa nacionalidade que, á data de peche do prazo de admisión de obras, teña como mínimo 16 anos.
Dotación
Premio do Xurado Profesional: 250 €
Premio máis Popular: 50 €
O prazo de inscrición estará aberto ata o 5 de decembro de 2024.
Máis información
https://www.lavienisima.com/
Bases
Inscrición
lavienisimafcx@gmail.com
