A Deputación de Pontevedra presenta un espazo na súa páxina web destinado á xuventude da provincia.
Esta sección pretende agrupar todas as liñas e actuacións da Deputación dirixidas á mocidade e servir como apoio ao persoal técnico das áreas de xuventude dos municipios da provincia.
No novo espazo web inclúense todos os programas de actividades, subvencións e concursos dirixidos á xuventude e promovidos polos distintos servizos da Deputación. Bríndase ademais información sobre instalacións e espazos que se poden solicitar para organizar eventos e poñer en marcha iniciativas; e as ofertas de prácticas profesionais, visitas escolares e oportunidades de mobilidade internacional.
