Meu Libro Preferido é un certame de fomento da lectura patrocinado pola Fundación José María Lara en colaboración coa Consellería de Educación dirixido ao alumnado de 1º a 4º da ESO.
O alumnado interesado poderá participar na modalidade textual en lingua galega ou castelá ou na modalidade podcast, tamén en ambas as linguas.
Establécense dúas formas de participación:
– Modalidade textual a través da realización dun texto (cunha extensión máxima de dúas páxinas) no que o alumnado faga unha reflexión sobre o libro que teña escollido.
– Modalidade Podcast mediante a elaboración dun podcast, como unha maneira emocionante e creativa de explorar e compartir as ideas que lle suxire o libro elixido, pensando que é un proxecto de clase que poida ter uso máis alá dos límites da súa aula.
O prazo de participación estará aberto ata o 31 de maio de 2025.
As persoas gañadoras recibirán un premio ao mellor texto elaborado ou ao mellor podcast e poderán asisitir á gala de entrega de premios que terá lugar no terceiro trimestre deste curso.
Premios
A. Modadlidade textual
Dous premios: un para o mellor relato en lingua galega e outro para o mellor en lingua castelá do alumnado participante de 1º e 2º de ESO.
Dous premios: un para o mellor relato en lingua galega e outro para o mellor en lingua castelá do alumnado participante de 3º e 4º de ESO.
Cada un dos premios consistirá nunha tarxeta regalo de Casa del Libro, valorada en 100 € e tres entradas para o gañador ou gañadora e dous acompañantes para que asistan xuntos a calquera acto ou evento cultural que se realice dentro da comunidade autónoma galega.
De entre todo o alumnado premiado escollerase o mellor relato, que será recoñecido como o gañador da edición, e recibirá na súa tarxeta regalo de Casa del Libro un aboamento adicional de 50 €.
Cada profesor ou profesora do alumnado premiado será recompensado pola súa participación. Neste caso, premiaráselle cunha tarxeta regalo de Casa del Libro valorada en 50 €.
B. Modalidade Podcast
O Galardón ao mellor podcast en lingua castelá corresponderalles a un máximo de dos alumnos ou alumnas e serán premiados con dispositivos electrónicos de audio e son da marca JBL.
O Galardón ao mellor podcast en lingua galega corresponderalles a un máximo de dos alumnos ou alumnas e serán premiados con dispositivos electrónicos de audio e son da marca JBL.
O profesor ou profesora que coordine os podcasts premiados será recompensado por ter incentivado a dita actividade cunha tarxeta regalo da Casa del Libro valorada en 50 €.
Máis información en https://milibropreferido.es/galicia/bases-galego/
