A Fundación Ibercaja organiza a IV Edición do concurso R7.
Trátase dunha convocatoria de ámbito nacional co obxectivo de implementar os ODS, a Axenda 2030 e o compromiso coa protección do medio ambiente. Poderá participar alumnado de educación primaria, secundaria obrigatoria e de ciclos formativos (con idade límite de 20 anos) de calquera centro docente, coordinados polo menos por un membro do persoal docente. Os centros de educación de persoas con diferentes capacidades non teñen límite de idade, asemade tamén se aceptarán proxectos de outras institucións educativas ou entidades que promovan a finalidade descrita.
Áreas temáticas sobre as que poden versar os proxectos:
– Protección do medio ambiente: Respecto, defensa e coidado dos seres vivos e da contorna no que viven.
– Cambio climático: Variación no estado do sistema climático terrestre, formado pola atmosfera, a hidrosfera, a críosfera, a litosfera e a biosfera, que perdura durante períodos de tempo suficientemente longos (décadas ou máis tempo) ata alcanzar un novo equilibrio.
– Biodiversidade: Conxunto de todos os seres vivos do planeta, o ambiente no que viven e a relación que gardan con outras especies.
– Ecoloxismo: Reaccións sociais que xorden ante a degradación ambiental e que fan referencia a un cambio radical do modelo de sociedade, á consecución dunha mellora do
medio ambiente para os seres humanos e á conservación dos espazos naturais polo seu valor intrínseco.
– Enerxía renovable: Refírese á enerxía que se atopa natural e repetidamente na natureza, como pode ser a eólica, a solar ou xeotermal.
– Reciclaxe: Proceso simple ou complexo que sofre un material ou produto para ser reincorporado a un ciclo de produción ou de consumo, xa sexa este o mesmo en que foi xerado ou outro diferente.
Prazo límite de presentación de propostas: 30 de abril de 2025.
Premios:
1º premio: un premio por valor de 5.000 euros.
2º premio: un premio por valor de 3.000 euros.
3º premio: un premio por valor de 2.000 euros.
4º premio: un premio por valor de 1.000 euros.
5º premio: un premio por valor de 1.000 euros.
Máis información na páxina web de Educación
