XII convocatoria do Concurso de Fotografía convocado polo
Museo Liste de Vigo co gallo da celebración do Día Internacional dos Museos (18
de maio). O concurso pretende fomentar o coñecemento e a creatividade a través
da práctica da fotografía co fin de destacar variados aspectos históricos, artísticos,
etnográficos e antropolóxicos.
As fotografías a concurso serán valoradas atendendo, principalmente, a tres
criterios:
- Estético: valorarase a beleza da fotografía e a sensibilidade á hora de recoller
certos aspectos que singularicen e dignifiquen o elemento fotografado. - Técnico: valoraranse aspectos asociados á técnica desta arte.
- Documental: valorarase que as fotografías presentadas acaden o valor de
documento gráfico como forma de recoller e difundir coñecemento.
Temática: “Ao son dun cantar”: coa música como elemento clave, o lema
propón captar un instante decisivo arredor desta arte e de todo o que a define ou
complementa. O obxectivo será fotografar momentos e escenas que evidencien
ou fagan intuír a súa presenza: instrumentos, músicos, bailes, xuntanzas e
foliadas, e calquera outra expresión ou manifestación da música e os elementos a
ela asociados.
